“ቃባ ቃላ ትቤ ብእሳ ትገላ” ላትብል መሰል እግልሚ ትበሃለት By Gherezgher Bekit November 24, 2018 ኣምሳል ሂጋ ትግሬ ብዙሕ ቱ። ላናይ ዶር የጊን ኣምሳላት ክም ቀርኣኮ ሐቴ መሰል ትቅብ ተለኒ። ላኣምሳል እግልሚ ሰበብ ትበሃላ ዎክ ሚክም ጀራቱ ላመሰል ትበሃለት እንዶ ትቤ ምን ትሰኣል እብ ክል ሕብር ዎጅንስ በሊስ ትረክብ። ከኣና […]

ሉሙድ፡ኣምሳላት፡ህግያ፡ትግሬ።  By Dr. Yegin Habtes     November 23, 2018 ምብላስ፡ጣርቀት፡ክል፡ዶል፡ትትፋቀድ፡ዎሰብ፡ዓድና፡እግል፡ግሩም፡ለበልስ፡አዳም፡ለከቡሮ፡ዎላሓሹሞ።ሰበት፡እሊ፡ዓባዪና፡ዎናአይሽና፡አንሳትና፡ዎ፡ታብዕትና፡ክልዶል፡ማብልሶን፡እግል፡ለገርሞ፡ዎላጥዕሞ፡ሕክ፡ልብሎ፡፡ዎሮ፡ገበይ፡ማባልስ፡ላገርም፡እቡ፡፡እብ፡መሰል፡ ምን፡ትትሃጌ፡ቱ።ካሰበት፡እሊቱ፡አቡዕቦታትና፡”ገበይ፡እብ፡ስለል፡ዎህግያ፡እብ፡መሰል”፡ልብሎ፡ዓለው።ካገድም፡ጣርቀት፡ምብላስ፡እግል፡ትብለሶ፡ሳዳየት፡እግል፡ልግባእ፡እልኩም፡አሌን፡ሑዳት፡አምሳላት፡ትግሬ፡እግል፡አትፋቅደኩም፡እፈቴ። ፩፡ጎርካ፡ምን፡ላእላ፡ታሀይባካ፡ላእላ፡ታላምዳካ። ፪፡እምባራ፡እንዴ፡ኢተበዴ፡ታናዴ። ፫፡ባርህ፡ግባእ፡ዎ፡እት፡ገበይ፡ስከብ። ፬፡ወድ፡ሓግል፡ክልኤ፡ዕንቱ፡ራቅቦ፡እቱ። ፭፡ሑካ፡ምን፡ልትላፄ፡እንታማ፡ረኣስካ፡ጣለል። ፮፡ወድ፡ድሙ፡ክም፡እሙ። ፯፡ገበይ፡ደሓንካ፡አብ፡ዓመት፡ኪዳ። ፰፡ላኢትቃመደት፡ኢትጰኔ። ፱፡ማል፡ጸር፡መናጰር፡ዎማል፡ኖስ፡ባርኖስ። ፲፡ዕሩቅ፡ዕሩቅ፡ኢሌለብስ። ፩፩፡ሓርዕ፡ይቡስ፡አብ፡ከዶዎ፡ኢላጥዕ። ፩፪፡እብ፡በኑ፡ባልዕ፡እብ፡በኑ፡መይት። ፩፫፡ኩዑይ፡ማይ፡ኢልትላቃጥ። ፩፬፡ንኡሽ፡ዓቤ፡ባ፡ዎዓቢ፡በዴ፡ባ። ፩፭፡ከልብ፡ዎምዕል፡እንዴ፡ኢልትላኮዎም፡መጹእ። ፩፮፡ዲብ፡እበኬ፡ቤት፡እምዬ፡ዓቅብ። ፩፯፡ተር፡ክም፡ዓተር ፩፰፡ላሊ፡እግል፡በዓል፡ሰብር፡ጻብሕ። ፩፱፡ምን፡ቅሩብ፡ዋድቃ፡ምን፡ጻልዕ፡ደሓና። ፳፡ማል፡ብዝሓም፡ብላዕ፡ዎ፡ሑ፡ብዝሓም፡ኢትቅተል። ፳፩፡ማሉ፡ባዲ፡ልቡ፡ባዲ። ፳፪፡ሻም፡እት፡ዕጫት፡ማ፡ዋድቅ። ፳፫፡ምን፡በዓል፡ጣፍ፡በዓል፡አፍ። ፳፬፡ከረም፡ማያ፡ባዛሓ፡ዎእክላ፡ልውሕዳ፡ታ። ፳፭፡መርዓት፡እግል፡ትርኤ፡እት፡ትብል፡ትትረኤ። ፳፮፡ሓጽባይ፡ሓጽብ፡ደኢኮን፡ጀነት፡ኢገብእ። ፳፯፡ሓሳይ፡ሰምዑ፡ላረይም። ፳፰፡ማይ፡መሬር፡እት፡ማይ፡ጥዑም፡ላባጽሕ። ፳፱፡ሞራካ፡እት፡እዴካ፡ዎአርዌካ፡እት፡ሓንቴካ።፡ ፴፡ሓምቅ፡ሓም ቅ፡ምን፡ረክብ፡ዜናይ፡ለፈግር። የጊን፡ወድ፡ህብቴስ፡ እናስ፡መንሳዓይ።

By Yasin Abrahim November 23, 2018  (I) ሰብ፡ ዐድ፡ ተክሌስ፡ ለመሰለዋ፡ መሰል። ሐቴ፡ እዋን፡ ዐድ፡ ተክሌስ፡ ጋሻ፡ ዲብ፡ እንቶም፡ ዲብ፡ ምድር፡ ብሌን መጽአው። ወአድግ፡ ውድ፡ ፍዴል፡ ትከበትዮም። ወህቱ፡ ሰሊ፡ ሐረበዮም። ወሐር፡ ምስል፡ እት፡ ልትሃጀኮ፡ ለሰብ፡ ዐድ፡ ትክሌስ፡ እግል፡ አድግ፡ ወድ፡ ፍዴል፡ ቤለዎ፡ ያ፡ ወድ፡ ፍዴል፡ እናስ፡ ሓይስ፡ ወግቡል፡ ዲብ፡ እንታ፡ […]

ደምዬ፡ደም፡ትክላ፡ቱ፡እት፡ልብሎ፡   ሰብ፡መንሳዕ፡ሚ፡በህሌቶም፡ቱ፧ November 18, 2018 ትክላ፡ላልትበሀል፡ሕያየት፡ከደን፡እት፡ምድር፡መንሳዕ፡ነብር፡ናብራ፡ዎ፡አዜማ፡እት፡ገሌ፡ኣምዳር፡መንሳዕ፡ለሄሌ፡እብል።ትክላ፡ክል፡ዶል፡እብ፡በንኑ፡ልትኔዔ፡{ሀድን)፡ዎ፡ዶል፡ዶል፡ክም፡መልዔት፡ልትጋዓዝ፡ዎ፡ለሀድን።እሊ፡ሕያየት፡እሊ፡ናኣይሽ፡ሕያየት፡ዓድ፡ካራ፡ጠሊት፡ዎ፡ብግዕት፡እብ፡በኑ፡እግል፡ልቅተል፡ቃድር፡ዎ፡መልዔት፡እንዴ፡ገብአው፡ሕያይት፡ዓባይ፡ካራ፡ወአት፡ወይ፡ብዕራይ፡ላመስል፡ሕያዬት፡እግል፡ልቅተሎ፡ቃድሮ። ትክላ፡ወክድ፡ሕያይት፡ዓድ፡ቀትል፡ሰብ፡ላ፡ሕያየት፡ላእሉ፡ቀትላ፡አረይ፡እግል፡ላትሓዱጎ ምን፡ሓዙ፡ያዕ፡ያዕ፡እት፡ልብሎ፡አክራን፡ወዱ፡ዎ፡ምን፡ኢሓድጎ፡እሎም፡ሼምሼም፡እንዴ፡ላከፈው፡እግል፡ላትሓዱጎ፡ቱ፡ፈትኖ።ዎ፡ኢሓድጌዮ፡እሎም፡ምን፡ገብእ፡ላእሉ፡ወዱ፡ብዕድ፡ጋር፡አሌቦም።እግል፡ሚ፡ልብል፡ፋህም፧ ጌሌኩም፡እግልሚ፡እበን፡መረዊ፡ሓጺን፡ባቅዕ፡ኮናት፡ወይ፡መንዱቅ፡እንዴ፡ወደው፡ኢዘቡጦ፡ትብሉ፡ተሄሉ፧ ሓጺን፡ኮናት፡ወይ፡መንዱቅ፡እንዴ፡ወደው፡ላኢዛቡጦ፡ምስምሳ፡እሊ፡ቱ። እብ፡ባቅዕ፡ሓጲን፡ወይ፡እብ፡ርሳሰት፡ምን፡ላዳምዕዎ፡ወደሙ፡ ምን፡ልትከዔ፡ላዶል፡ላትክላ፡ላዘነቡ፡እት፡ላደሙ፡ጠቅሾ፡ዎሐር፡እት፡ላዛብጠዎ፡አዳም፡ነጽጎ፡ዎኩሉ፡ላደም፡ላቃጥረ፡እቱ፡ትርክሽ፡እንዴ፡ቤላ፡መይት። ካሰበት፡እሊ፡ቱ፡እት፡ትክላ፡እበን፡መረዊ፡ሓጺን፡ባቅዕ፡ዎ፡ኮናት፡ላኢልትወገር፡ወይ፡እብ፡ርሳሰት፡መንዱቅ፡ላኢልትቃተል።እግልሚ፡እንዼ፡አድማዐዎ፡ደሙ፡ክም፡ካዓ፡እብ፡ደሙ፡እግል፡ኢልተምትሞም፡ሰበት፡ላፈሩህ፡ቱ። ካሰበት፡እሊ፡ቱ፡አብዕቦታትና፡እት፡መስሎ፡ደምዬ፡ደም፡ትክላ፡ቱ፡ልብሎ፡ዎእሊ፡ሚ፡በሀለት፡ቱ፧አብ፡ሓጪሩ፡ደምዬ፡ዎይ፡ደም፡አዳምዬ፡  ላልክዔ፡ህቱማ፡ደሙ፡ልትኬዔ፡ዎመይት፡በሀለት፡ቱ፡፡ ካገድም፡ውላድ፡ዎአዋልድ፡ሀይገት፡ዝላላ፡ደምኩም፡ደም፡ትክላ፡ቱ፡ካ፡ዎወሮት፡ኢደፍረኩም፡ላእታ፡ሀሌኩም፡ረአስኩም፡ትክ፡አብሎ፡ ዎገንድሎ፡ዎመን፡አንቱም፡ምን፡ልብሉኩም፡ውላድ፡ዎአዋልድ፡መንሳዕ፡ውላድ፡ውቁል፡ምን፡አዳም፡ዎድሁር፡ምን፡ረቢ፡ቦሎም።  ዎደሓንኩም፡ የጊን፡ወድ፡ህብቴስ፡ እናስ፡መንሳዓይ።

ሻካ፡ ዎ፡ መትሻካይ፡እት፡ምድር፡መንሳዕ። November 12, 2018 ቀደም፡ ቤት፡ ፍርድ፡ዎ፡ ቃራዉየት፡ማትፉጣሩ፡ሰብ፡ዓድና፡እት፡ዓዶም፡ዎ፡መስኮቦም፡ልዳነዉ፡ፊርዶ፡ዎ፡ልትፊረዶ፡ዓለዉ።አና፡እት፡ምድር፡መንሳዕ፡ቤት፡አብረሄ፡ሰበት፡ላዓቤኮ፡ኑኡሽ እት፡አና፡ምስል፡ማሳኒቼ፡እግል፡ንስማዕ፡ዎ፡እግል፡ንርኤ፡እት፡መሓበር፡ካምል፡ማሕበር፡ዓድ፡ዓይላይ፡ ዎ፡ዶል፡ዶል፡መሕበር፡ዓድ፡ገብረስ፡ዎደዓሮተት፡ዓድ፡ቡላ፡እንፈገር፡ዓልና፡ዎላ፡እቱ፡ላረኤክዎ፡እግል፡ሓኬ፡እልኩም ኣፍስሑ፡እልዬ። ሰልፍ፡ኩሉ፡እግል፡ኢበሎ፡ላሓዜ፡መንሳዕ፡ቤት፡አብረሄ፡እት፡ሓምስ፡ቤት፡ክፍልት፡ታ።ዎ፡ህቶም፡ ዓድ፡ሓፈሮም፡ ዓድ፡ገብረስ፡ ዓድ፡ዓይላይ፡ ዓድ፡ቡላ፡ ቤት፡አባዛ፡ቶም። ክል፡ፋራዕ፡ናይ፡ኖሱ፡ማርሓይ፡ቢዲቡ፡ዎ፡ህቱ፡ጭቃ፡ልትበሀል።ምን፡ለዓል፡እሎም፡ሓምስ፡ጭቃ፡ከንቴባይ፡ላልትበሀል፡አናስ፡ምን፡ፉራዕ ዓድ፡ሓፈሮም፡ዎ፡አብ፡ዘባና፡መንሳዕ፡ቤት፡አብረሄ፡ፈርድ፡ላዓላ፡ፍቱይ፡ዎ፡ክቡር፡ከንተባይ፡በኪት፡ወድ፡ከንተባይ፡ዕቅባምኬል፡ዓላ። አዜ፡አዳም፡ወክድ፡ልትሻኬ፡ላሻክያይ፡ላገድየቱ፡ትክ፡አንዴ፡ቤላ፡እት፡ከንቴባይ፡አግል፡  ልንሳኣ፡ቃድር፡ደአም፡ክልኢቶም፡ምን፡ዎሮት፡ፋራዕ፡ምን፡ገቡእ፡ሰልፍ፡እት፡ጭቃሆም፡ፈግሮ፡ዎላዶል፡ላጋር፡እብ፡ዕረ፡ዎይ፡አብ፡ፍርድ፡ምን፡ኢልትክለስ፡አት፡ከንተባይ፡ሓልፍ።      ክምሰልሁማ፡ላካሳይ፡ወይ፡ላክሱስ፡እብ፡ፍርድ፡ላከንቴባይ፡ምን፡ኢልሳማማዕ፡ዲብ፡ቤት፡ፍርድ፡ከረን፡ሓልፍ። አና፡ንኡሽ፡አት፡አና፡ጬቃቂት፡ላዓለው፡አሎም፡ቶም። ስም፡ፋራዕ።                             ስም፡ጭቃ።  ዓድ፡ሓፈሮም፡                     እድሪስ፡ወድ፡እሽሓቅ፡ወድ፡አብሳላብ። ዓድ፡ገብረስ፡                       ዕጄል፡ወድ፡ አሌሚን። ዓድ፡ዓይላይ፡                      ዳፍላ፡ወድ፡አስፋዳይ፡ዎ፡ሓቆሁ፡ወልዱ፡አስፋዳይ። ዓድ፡ቡላ፡                         እያሱ፡ወድ፡ትራጅ፡ዎ፡ሓቆሁ፡ወልዱ፡አልመ ዶም። ቤት፡አባዛ፡                        ጅምዕ ፡ወድ፡አብራሂም ገድም፡እብ፡እሊ፡ዘበን፡እሊ፡ጬቃቂት፡እት፡ማናብሮም፡ግሱያም፡ሀለው፡ዎ፡ኢሀለው፡ኢአምር፡መንገስ፡ኤርትራ፡ላክንትብነት፡ዎ፡ጭቅነት፡እት፡ሰብአን፡እግል፡ልብሎሰን፡ቱ፡ልትበሀል፡ዓላ።ደአም፡ላጋር፡እት፡ሚ፡ክም፡ባጽሓ፡እምርዱይ፡ኢሀሌኮ፡፡ መሕበር፡ካምል፡ክል፡ዶል፡ዕሙር፡ናብራ፡፡አዳም፡ምን፡ክል፡ምድር፡መንሳዕ፡እግል፡ልሽኬ፡ዎ፡ልሻኬ፡ዎ፡ገሌሁ፡እግል፡ልርኤ፡ዎልትረኤ፡ማጽእ።ብዙሕ፡ዶል፡ላበዓል፡ቅራማት፡በሀለት፡ላካስስ፡እግላ፡እሙራም፡ዎ፡ህግያሆም፡ጣርቀት፡ለገብአት፡ዓበች፡መንሳዕ፡ዮም፡ምዕልዬታ፡መሕበር፡ፍገሮ፡አልዬ፡ልብሎም።ክምሰልሁማ፡ላኩሱስ፡እት፡ፈቴቹ፡ዎ፡መሳኒቱ፡አንዴ፡ጌሳ፡ፍላን፡ወድ፡ፍላን፡ሻኪዬ፡ሰበት፡ሀላ፡መሓበር፡ፍገሮ፡እልዬ፡ልብሎም።ካሰበት፡ እሊ፡አዳም፡ምን፡ክል፡እንክር፡ማጽእ፡ዎዕሙር፡መሕበር፡ልትአምበት። ከንቴባይ፡እት፡ምግብ፡ልትገሰ።ዎ፡ድማኑ፡ዎ፡ድገለቡ፡ላልትገሰዉ፡ውላድ፡ዳኛ፡ልትበሄሎ።ብዙሕ፡ዶል፡ድማን፡ከንቴባይ፡በኪት፡ዎድገለቡ፡እርእዮም፡ላዓልኮ፡ካራ፡አብ ፡ዳሃባ፡ባሻይ፡ትማርያም፡ወድ፡ከንተባይ፡ተስፋምኬል፡አብ፡ካምል፡ዓውቴ፡ወድ፡ከንተባይ፡ዕቅባምኬል፡አብ፡ማመት፡አፍታይ፡ወድ፡ብእምነት፡ዎ፡አብ፡ስተል፡መሓመድ፡ኖር፡ወድ፡እዙዝ፡ ዎ፡አብ፡አምለሰት፡ዳንኤል፡ወድ፡ፍካክ፡ዎ፡አብ፡ናታባይ፡ንጉሴ፡ወድ፡ልጃም፡ዎ፡አብ፡ዳልካ፡ዕስማን፡ወድ፡ግብጣን፡እፋቅድ። ክምሰልሁማ፡እት፡መሓበር፡ ካምል፡ክልዶል፡ክርንቶም፡ላትሳማዕ፡ካራ፡አብ፡ድካን፡ሰሌሙን፡ወድ፡ዳይር፡አብ፡ዮሴፍ፡ኤልያስ፡ወድ፡አልአዛር፡አብ፡ህያቡ፡ግብጣን፡ወድ፡የሐንስ፡ዎዶል፡ዶል፡አብ፡ጀዉዲ፡ህብቴስ፡ወድ፡ወርዕሶብ፡ዎ፡አብ፡ክላ፡በኪት፡ወድ፡መሓመድ፡አት፡በልሶ፡ልትሳሙዕ፡ነብረው። ገድም፡መሕበር፡ክም፡ታአካባ፡ከንቴባይ፡እግል፡ክሱስ፡ዎ፡ካስስ፡እት፡ቃደሙ፡እግል፡ልብጣሮ፡ ዎካስስ […]

Tigre: “When I have the strength in you to vouch for me? Under the gaze of the laws of Haighet ; our forefathers’ customs”. Incredible! What a gift indeed, great talent, and did I mention multilingual. EGEL  HIGA  TIGRE  NAYA  HABKAHA::  HIGYA  ABECH  WO  EBUBOTAT:: The Ge’ez Tigre ( ትግረ […]

ክል  ኦሮ ተረቱ ቡ 2/19/18 ምን ሙሴ በኪት ክል ኦሮ ተረቱ  ቡ:: ለሄይ እግል  ሎሆይ  ልትኣዘዝ ተመሽ * አለቡ ገለሁ ትልጭ ልብል  ልትጻበር  ዎ ገለሁ ተረቱ  ሓዜ  ለሽላማልም ሐወጅቡ:: ከእብ  ጸሓይ አስተብደ  ጸሓይ ክም ስማ በርሀት  ምድር  ዎ  ሳማ:: ጸሓይ ፍሽክ 🌞ትብል ፈግር ኣስቡሕ ጽልመት አካና ተሓድግ  እንደይ ትብል ቡሕ […]

What would please you ? 2/14/ 18 What would please you ? A luxurious zuhar * ? Or A car of modern marvel? Or a scent imported from paradise? If any of this lures your heart,our Tigre I would take a vow that pairs us for eternity What stands to […]

እንታይ የዕግበኪ ? ብሙሴ በኪት::       ( ኣነ ይሓትት ) እንታይ የዕግበኪ ክቡር ዙሃር* ወይስ  ዘመን ኣምጽኦ ክብርቲ መኪና ? ወይስ ካብ ገነት ዝተጠልበ ሙዑዝ * * ጨና ? እዚ ኽሉ ንፍቅርኺ ዝምጥን እንተ ኾይኑ ብግልጺ ንገርኒ ይወረ ይኹን ዜና እዚ ኹሉ ንልብኺ ዝሰልብ እንተ ድኣ ኾይኑ ኣንቲ […]