እግል፡ሰሓቅ፡ሕጅክ፡ዎ ምህሮ።

መአተዪ።

እሊ፡ናይ፡ዮም፡ክቱብዬ፡kaleidoscpe በሀለት፡ሕበርበሮ ቱ፡ካእግል፡ ሕጅክ፡ሳሓቅ፡ዎትልህያ፡ዎክምሰልሁማ፡ገሌ፡ቃላት፡ትግረ፡እግል፡ንትመሀር፡እቡ፡ ለወደኩዎ፡ገበይ፡ቱ።ካሰበት፡እሊ፡ክም፡እሊ፡እንደ፡ወደኩም፡ወይ፡እሉ፡ለመስል፡ገበይ፡እንዴ፡መሀዝኩም፡ምን፡ከትቦ፡ሰኒ፡ዎዓላ።ዓመል፡ከቲብ፡ቱ።ከኣዜ፡አተንሱኒ።

ኣና፡እት፡ በላዛ፡ክም፡መምህር፡ እት፡እሻቄ፡ እግል፡ተምሃሮዬ፡ሓዳይስ ፡ቃላት፡ ወክድ፡አምህሮም፡ሰልፍ፡ትርጉም፡ላቃላት፡አስእሎም  ፡    ዎሓር ፡ እግል ፡ልፍሆመን፡እት፡ዓሪፍቴ፡ነገር፡እንዴ፡ኣቴኮ፡ኣርእዮም፡ተን፡ዓልኮ። እት፡ላሓልፋ፡ሳምን፡ሙሳ፡ወድ፡በኪት ሓዳይስ ፡     ቃላት፡ ትግረ፡ኣምሄሬና። ኣዜ ፡ኣና፡ “ኣና፡ሊበል፡ላማና”፡እለን፡ሓዳይስ፡ቃላት፡ክም፡መምህር፡ኢኮን፡ ደኣም፡ክም ፡ታምሃራይ፡ናይ   ፡    መምህር ፡ ሙሳ፡ እት ፡ ዓሪፍቴ፡ነገር፡እግል፡ኣትየን ቱ። ገሌ፡ምንኩም፡ ዬ፡ሚ፡ትብል፡ሀሌካ፡ሙሳ፡ተምሃራይካ፡ዓላ፡ማሚ፧ ከኣፎ፡እንታ  ዮም ፡ተምሃራይ ፡ዎሙሳ፡ዮም፡መምህርካ፡ገብኣ፡ም፡ትብሎ፡በሊሼ፡እሊ ቱ።እሎም፡ጎዋራና፡ሰብ፡ትግራይ፡እት፡መስሎ፡ክእና፡ልብሎ፡”ዘቤኔ፡ግርንቢጥ፡ማይ፡ለዓቀብ”፡ (ፍቭክ፡በሎ-smile)።

ገድም፡ኣዜ፡ክል፡ሓዳስ፡ቃል፡ምን ፡ሙሳ፡ላትመሃርናሄን፡እት፡ሙሉእ፡ሓሳባት፡እግል፡ኣትየን፡ቱ።

ወረዛ፡     ሕጻን፡ በጽሕ፡እት ፡ኣና፡ሓቴ ፡ምዕል፡ መሓበር ፡ካምል ፡እት፡እፈግር፡ ሓቴ፡ወለት፡እብ፡ሰከሎሃ፡ማይ፡እትወርድ፡        ተሀደፈተኒ። ዎሰኒ፡ውዕል፡የጊን፡እንዴ፡ትቤ፡ክም፡ሓልፈተኒ፡እግል፡እርኣያ፡ ውልብ፡ክም፡እቤ፡ህታማ፡እግል፡ትርኤኒ፡ውልብ፡ትቤ፡         ዎ እት፡ኣድሕድ ፡ፉዛዝና። ላዶል ፡ህታ፡እግልሚ፡ትርኤኒ ፡ሀሌካ ትቤ፡ ዎኣና፡ከኣፎ ኢእርኤኪ፡ እንቲ፡ወለት፡ሽንብሬብ፡ዎኣና፡ሕጻን፡         ወረዛ ፡ እቤላ። ለዶል ፡ፍሽክ፡እንዴ፡ትቤ፡አቡካ፡አቡዬ ፡አምር፡ዎእት፡ መስካብና፡ሓድራም ፡ሀሌና፡እት፡ትበል፡በልሰት፡እቼ። እሊ፡ሚበሃላታ፡ቱ፡መስለኩም፧

ዛልም፡    ወድ፡ቬክ፡እትላ፡ገመል፡ግሩን፡ላትብል፡ሕላየቱ፡እት፡ለሓሌ፡ክእና፡ልብል፡”ዋላ፡እግሉ፡ላሓሜ፡ዛልም፡ቱ፡ዎካይን”።

ብርክ፡     ሕጻን፡ስነት፡ሰብ፡ክም፡በጽሓ፡ ሓጹ፡እሉ፡ዎ፡ሀዱ። ላዶል፡አቡሁ፡ሓቴ፡ገርሀት፡እት፡ኣውለት፡ ዎሓቴ፡ገርሀት፡እት፡ቃላቅል፡         ሀይቦ፡ዎራክብ፡ምን፡ገብእ፡ክልኦት፡ብዕራይ፡(ጽምድ)፡ሀይቦ፡ዎብርካ፡ፍገር፡ ልብሎ።

ፋለኒ፡      ክልኦት፡እናስ ፡እት፡ ልትሀገው ፡ላወቱ( statter)እት፡ገበይ፡ተሃደፈው። ካዎሮት፡እናስ፡እግል፡ላካልኣይ፡እናስ፡ ሰ- ሰ- ሰላም ዎ -ዎ- ዓ -ዓ- ዓሌኩም፡ቤሎ። ላካልኣይ፡እናስ፡ክብት፡እንዴ፡ኣባላ፡ “ዎ- ዎ- ዎ -ዓ ዓሌሌኩም ዎ-ሰ -ሰ -ላ ም” ፡እት፡ ልብል፡በልሳ እቱ፡ላቃዳም፡እናስ፡እንዴ ፡ጫዋጋ፡“ፋ- ፉ- ፉለኒ” ሀሌካ፡ በሎ።ላካልኣይ፡እናስ፡ “ያ- ያ- ያ ዕ፡ስ -ስ- ስጄ ቱ”ቤሎ፡ልትበሀል።

 ሰዓራ፡     ሓጸይ፡ሀይለ ስላሴ፡እብ፡ደርጊ፡ክም፡ሰዓራ፡ዎሮት፡እናስ፡እንዴ፡ለአከው፡እቱ፡አት፡ካርጅ፡ካርሁ፡ለሀሌካ፡ማል፡ሀባና፡        መንገስ፡ማል፡ለትሓዝያ፡ሀላ፡በሎዎ።ዎህቱ፡ሰኒ፡ካማ፡እግል፡ንትሀጌ፡ሰለስ፡ማዮም፡ለሰተው፡ብሹላም፡ንድኡ፡እቼ፡በሎም።ህቶም  ፡         እብ፡ፋርሓት፡መንግስቱ፡ሀይለማርያም፡ምስል፡ክልኦት፡ብዕዳም፡ጸላይም፡እናስ፡ነድኣው፡እቱ። ዎሓጸይ፡ሀይለ፡ስላሴ፡ሰለስ፡ጸላይም፡ክም፡ራኣ ፡ኣና፡ላበሽለው፡እበለኩም፡ደኢኮን፡ምዶል፡ላሓረው፡እበለኩም፡በሎም፡ልትበሀል፡(ፍሽክ በሎ-smile)።

ሓላል፡ተሓላላ፦   እት፡ምድር፡መንሳዕ፡እብ፡ቅሉዕ፡እግል፡ንብለዖ፡ ላተሓላላ ፡ሕያየት፡ዓድ፡ዎከደን፡ብዙሕ፡ቱ። ገለ፡ስሜ፡ምን፡       ትብሉኒ፡ሰልፍ፡ኩሉ፡ላእሰምዮም፡ኣሓ፡በሀለት፡ወአት፡ዎብዕራይ፡ጣሊት፡ዎብግዕት፡ቶም።ምን ፡ሕያየት፡ከደን፡ጋርዋ፡ዎነለት፡ኣራብ ዎአምበርሀገት ፡እፋቅድ። ሰብ፡ክልኤ፡እግር፡ካራ፡ደርሆ፡ሓገል፡ዎክርክሬ፡ማ ፡ሕሉላም ቱ። ታርፍ ምን ለሀሌ ገድም እንቱም ወሱኮ ።ምን፡ በሓር፡ላመጽእ፡ብዙሕ፡ሕያየት፡ሀላ፡ሑድ፡ምን፡እሰሜ፡ካራ፡ዓሳ፡ቭሬምፖ (shrimp) ፡ላብስተር (lobster) ፡ካንክ (conch) ፡ ዎክራብስ ፡ (crabs) እት፡ ብዙሕ ፡ዓዶታት፡ሕሉል፡ቱ።እት፡ምድር፡መንሳዕ፡ሀዬ፡ኣዪ፡ምኖም፡ሕሉል፡ቱ፤

ገሌኩም፡ንሳልኩም፡መትሮ፡ገብእ፡ዎእንታ፡እት፡ገዚረት፡ነበር፡ከአፎ፡እንታ፡ኢተስእለና፡ትብሎ፡ገብእ። ከገድም፡ናዘዝ፡ሓቆ፡ተልኩኒ፡ከበቶ፡ምንዬ።ኣና፡ሰልፍ፡እት፡እሊ፡ዓድ፡ክም፡ገዓዝኮ፡እሊ፡ነበሬት፡ጥዕም፡ኣብሎ፡ኢዓልኮ።አዜዲ፡ሓቴ፡ሓድግ፡ኢሀለኮ።

እት፡መከለሲ፡፡ዎሮት፡ሳኣል፡ብዬ፡ሓራውያ፡ግራቫ፡ዎ መንቴሌ፡ሕሉላም፡ቶሞ፡ማኢፋሎሞ፤

ሰርታ፦       ኣና ሕጻን፡ንኡሽ፡እት፡ኣና፡ዕጨይ፡እግል፡ንእሬ፡ወክድ፡ንትፈረር፡ብዙሕ፡እንዴ፡ኢነረይም፡ምን፡ገርበት፡ኣጃናዳ፡ግንዳይ፡   ወግረ፡እንዴ፡ጹርኮ፡ዓድ፡ዓይር፡ዓልኮ።ዮም፡አርድ፡ሰርታ።ስታ፡እንዴ፡ሓለፍካ፡አወልዋላ፡ክም፡በጽሓካ፡ግሩም፡ዕጨይ፡ወግረ፡ምን፡ረክቦ ፡       ሰብ፡ቅስም፡እንቱም።

ደፋር፦     ደፋር፡ዕረት፡ታ። ገበና፡ጣቅጣቅ፡ወይ፡ኣባቁሰብ፡እንዴ፡ወርድካ፡ምን፡ኢትትሓጸብ፡ ጼኔ፡ ዎኣዳም፡ሓቆ፡ጸናካሆዮም፡ዳፋር ልብሉካ።

ዙዕ፡     ዲብ ፡ብዙሕ ፡ዓዶታት፡ኣፍሬቃ፡ጅና፡ እግል፡ልትረኤ ፡ደኢኮን፡እግል፡ልትሳማዕ፡አለቡ፡ልብሎ።  ክምሰልሁማ፡ብዙሕ፡ላልትሀጌ፡ጅና፡ዙዕ፡ቱ ፡ልብሎ፡ዎዙዕ፡ጅና ሕግላን ቱ ልብሎ። ኣና፡ክእና፡ለመስል፡ሀገጊት፡ብዙሕ፡እጻረሮ፡እንቱም፡ሀዬ፡እብ፡እሊ፡በሀል፡ሚ፡ትብሎ፤

ተሓላላ፦    እግል፡እላ፡ቃል፡ ካምል፡ወድ፡ገበይ፡ ከኦፎ፡ክም፡ናፋዓ፡እባ፡ንርኤ።

ስሌቼ፡ከሬኮ፡ለውላድ፡ ፊግራ፡ፈተና።

ሐርሾይ፡ወጀጊን፡ሺት፡ቶም፡ወከልብ፡ሀደና።

ጻብር፡ዘማት፡እብ፡ላዓሊት፡ንዋይ፡በርዕድ፡ጻገራ።

ገብሻ፡ኣጊት፡ቱ፡ድቦት፡በጥርእ፡ነሐራ።

ወሸግራይ፡ጨላሞ፡ቱ፡ግሰት፡ገሌ፡እብ፡በዓላ።

በተት፡አለቡ፡ሮማይ፡እንደይ፡ተሐለላ።

ቅዲት፡ መሕለብ፡ ሕና፡ ዎተነት፦  እለን፡ሰለስ፡ጋራት፡አንስና፡ነፍሰን፡ ላልትካናካና፡ዎላጋርማ ፡እቡ፡ ተን።ክሱስን ፡ተነት፡ ዓፍየት፡    ዎግርመት፡ ላተሀይበን ታ። ዎሮት፡ጃህል ፡እናስ፡ጀነት፡ተሓረ፡ሚ እሲት፡እንደ፡ቤለው፡ክም፡ሰአሎዎ፡ክእና፡እት፡ልብል፡በልሳ፡እቶም።

እሲት፡ተሓረ ፡ሚ ፡ጀነት፡ እሲት፡ተሓረ፡ ሚ ፡ጀነት፤

ኣና፡እሲት፡ሓረኮ፡ለዶል፡ፋግረት፡ምን፡ተነት። (ፍሽክ በሎ-smile).

መንደፍ፦  መንደፍ ኣዱግ ላቀትል ሕማም ቱ።  ኣብዕብዬ ወርዕሰብ ወድ ህብቴስ እግል ሓቴ  ሓራስ፡ ሞላዱ፡ እሊ፡ ወልኪ፡መን ሰሜክዮ፡ቤላ፡ካሰኣላያ፡ዎህታ ፡ ተመይት ፡ ሰበት  ፡ ለዓለት፡ይባ፡እግል፡ልዕቤ፡እልዬ፡አድግ፡ሰመኩዎ፡እት፡ትብል፡ በልሰት እቱ። ዎህቱ፡”ወድ፡ህብቴስ፡መንደፍ፡አድግ፡ኢቃርብ”፡ቤላ፡ልትበሀል።

ሃላ፦  ሙሳ፡ወድ፡በኪት፡አድግዬ፡ሓመልሚል፡ኣትፋቀደኒ።ሓመልሚል፡ሃላል፡አድግ፡ሌጣ፡ኢዓላ፡በዐል፡አከይ፡አድብ፡ማ፡ዓላ።ክል፡ምዕል፡እትላ፡ጋድም፡ሸዓር፡እት፡በልዕ፡ልውዕል፡ዓላ። ጸሓይ፡ክም፡ወድቀት፡አቡዬ፡እግል፡ሓመልሚል፡ዓዩሮ፡ካራይ፡እግል፡ኢትብሎዖ፡ልብለና፡ዎእግል፡ናዓይሮ፡ ክም፡እንገይስ፡ርኢ፡ክም፡አበሌና፡ትግርጣጥ፡እት፡ወዴ፡ሰኬ፡ምንእና፡ዓላ። ሐቴ፡ምዕል፡ዎሮት፡እናስ፡ ምስል፡ወለቱ፡አድግቱ፡እንዴ፡ጸብጣ፡እግል፡ላትቃዴ፡ድካን፡አቡዬ፡እንድርያስ፡መጽኣ፡እግላ፡እድግት፡እት፡አፌት፡ላድካን፡አስራያ፡ ዎእግል፡ወለቱ፡እንቲ፡እላ፡እድገት፡ዕቃቢ፡ዎኣና፡እግል፡ኣትቃዴ፡ቱ፡ቤላ፡ካእት፡ላድካን፡ኣታ።ላዶል፡ሓመልሚል፡ጠበሽ፡ቤላ፡ዎእት፡ላእድገት፡እግል ልዕረግ፡አምባታ።ላወለት፡ኦብላ፡ሞራሃ፡ሻእ፡እት፡ትብል፡እግል፡ታብጥሮ፡ፈተነት፡ዎሓመልሚል፡ላወለት፡እት፡ዛብጦ፡ሽቅሉ፡ኣምባታ።ላወለት፡ማ፡ኢሓምቃት፡እንደ፡ገልበበት፡ዎዕንታታ፡እንደ፡አቃመጨት፡እስክ፡ልትከረ፡ምና፡ምን፡ዘቢጥ፡ኢበጥረት።ሓመልሚል፡ክም፡ከላሳ፡ዳናዕ፡እት፡ልብል፡እግል፡ላ፡እት፡ላጬዔተት፡ጉሱያም፡ለዓለው፡መሓበር፡እት፡ላቀደሞም፡እንደ፡በጥራ፡ high guys በሎም።ዎህቶም፡ሸሩ ከለኣና፡ሓመልሚል፡አዜ፡ሀዬ፡አስክ፡አያ፡እንታ፡እት፡ልብሎ፡በልሰዉ፡እቱ(ፍሽክ በሎ-smile)።

ደ/ር፡የጊን፡ወድ፡ህብቴስ፡

እናስ፡መንሳዓይ።

November 5, 2023