Poem by Yassin Abrahim

ገብረ ረቢ ራሓመቱ ላሃባካ

ልእከት ሽማገሌ ክ.ው.ሃ. ረከብኮሃ

እብ ሻፋግ ከፈትኮሃ ዎ ቃርኣኮሃ ።

እኩይ ከበር ሳምዓኮ…ቃርኣኮ

ገብረ ወድ እያሱ ክም ሞታ ኣመርኮ ።

እናስ ዓድ- ዓይላይ፡ ወድ ቤልታ ርሒብ ላጋድሙ

ወድ ድጌ ገለብ ላብዙሕ ኣዳሙ

ምልጭ ዋዳ እንደይ ኢእሳምዕ ሕማሙ ።

ማዓቢት ሕና፡ በልታ ዎ ገለብ

ውህር ቱ በዓል ምርወት ፡ ዎ ሰኒ ኣደብ

ጋሻይ ልትከበት ላኣባልዕ ዎ ለኣጻግብ

በዓል ዓቢ ውቃይ ቱ ፡ ንዋዩ ዎዳሩ ለላኣክብ ።

ስናት ኢ ሕና ደኣም መዓቢት

ብጭጭ ላኣለቡ ሕጹብ ዓምዒት

ዮም በዓል -ጋጻ ሞታ መሓበር ጨዔተት ።

ረቢ ራሓመቱ ለሓባካ ሑየ ገብረ

እንታ ኢታዓቃብላና ሕናቱ ላናዓረ

ያረት ደነብር እወደ ቃብርካ እግል- ዓረ ።

Posted in Posts.

Comments